أطلق إمام عاشور لاعب الفريق الأول لكرة القدم بالنادي الأهلي تصريحات نارية مع سيد عبدالحفيظ في برودكاست القلعة الحمراء.
قال إمام عاشور في تصريحاته في بودكاست القلعة الحمراء مع سيد عبد الحفيظ، اتعلمت الالتزام في الأهلي والتمرين بشكل كويس والتركيز في المباريات، وفيه حاجات كتير مكنتش أعرفها قبل الأهلي.
وزاد إمام عاشور، شخصيتي دايما بيكون عندي رد فعل بشكل سريع وبعمل كل حاجة تريحني دايما سواء القرار صح أو غلط ولازم أكون مقتنع بيه ومش بركز مع أي حد ممكن يقول ده صح أو غلط، وفي الأول مكنتش بسمع لأي حد وفي الوقت الحالي بسمع لناس كتير.
وأكمل إمام عاشور، بسمع لوالدي ووالدتي حاليا ومراتي وأخواتي وفي النادي الأهلي والناس كانت واخدة عني فكرة أني مبحبش أتكلم مع حد وفهموني بشكل كويس، وكان فيه لاعب رايح يشتري عربية مع شخص زميله وهو بيشتريها بيقوله العربية دي أوريجينال ولا مش أوريجينال.
