التغذيه للاطفال👶👶
ركزوا ركزوا ركزوا كل الامهات تركز علشان دا الكلام دا مهم جدا
١-بصي مشكلتنا مع اكل العيال اننا بنزهق يعنى من بدايه ال٦ شهور وبدايه اكله اول ما البيبي يرفض خلاص اسيبه خلى نفسك طويل
٢-من عمر ٦ شهور ل سنتين احنا الامهات بنرسم طريقه اكل الطفل لغايه مايكبريعنى يحب الاكل او ييكرهه
٣-لو عودنا عيالنا ع الخضار والفاكهه هايطلع ياكلهم طول عمره 👈 افتحى محل خضار ف البيت
٤-غلطتنا احنا كلنا بنستسهل الزبادى وكمان للبن الصناعى والجبن الزبادى ياقمرات بنديله للى بيخسوا وهو مهضم والاطفال معدتهم صغيره هايسد معهم ومايعتبرش وجبه دا غير بقي الاقي الام من عمر ٣ شهور تديله زبادى اوعوا اوعوا اوعوا (تجربتى مع بنتى عندها حساسيه الالبان بسبب انى اديتها زبادى ع ٩ شهور )الزبادى بعد سنه
٥-تانى باقول ماتزهقيش الطفل معدته صغيرة وعلشان انتى عامله كميه ومسترخصه ترمى الباقي تزوقيه للطفل بالتدريج المعده دى بتوسع وتتمدد فماينفعش مرة واحدة مرة فمرة هاياكل ومعدته زى البلونه هاتاكبر كل ماتديها ماتكرهمش ف الاكل
٦-اما لو زهقتى وبان عليكى العيال ذكيه فهمت انك زهقتى فبتعند كل ماتقربي الاكل فقرة الزن تشتغل
٧-حاولى معه تانى وعاشر وعشرين من غير غصب علشان ماتحسش انك الاكل دا وجبه العقاب بنسبلهمش ورانا غيرهم
٨-(خدينى ع اد عقلي )ودخليه معاكى المطبخ خليه هو اللى يسلق البيضه مثلا وهاتى الوان اكل ولوينها/
او هاتي زبادى ابيض وحطى علبه مرة عسل مرة كاكاو مرة قطعى فاكهه عليه قدامه وهو يقلب كانه هو اللى عمله بايده فتفرح وتاكله الطفل لازم ياكل من صنع ايديه
٩-استخدمى اطباق ملونه بتاعت الاطفال عليها شخصيات كرتون بيحبوها مش طبقك وطبق باباه استخدمى الخضار اللى فيه الوان زاهيه زى البسله الجزر او الفاكهه زى العنب والفراوله والبرتقان العبي معه
١٠-الصبح اديه معلقه عسل هايفتح معه شهيته
١١-عارفه انك هاتقولى الشيبسي والبسكوت انا عارفه انك مش هاتقدرى تمنعيه منهم بس لازم نقلل منه اعملى شيبسي ف البيت وحطيه ف كيس شيبسي اعملى كيكه ولفيها بورقه الكيكه الجاهزة وكمان ياكلها بعد الوجبه الاساسيهاتعلموا تعملوا
١٢-الشوفان حطى منه حبه معلقه كدا فوسط الاكل هايغير فيه الاكل ومفيد جدا لو عنده انيميا اديله شوفان وهاتدعيلي برضوا
١٣-ماتاكليش ابنك لبان قبل الاكل لانه بيملا معدته هوا وبيقفل معه الشهيه خالصومش صحى
١٤-البصل والعسل من الحاجات اللى بتفتح الشهيه جدااااااااا
١٥-ع فكرة الحزن والقلق بيخلوا الطفل يفقد شهيته اه الطفل بيحزن وبيقلق رقبي ابنك لو انتى وباباه متخنقين او ف جنازة ف البيت الطفل نفسيته بتكبر معه جو البيت بيفرق جدا في حبه للاكل او لا ونفسيته اهم من الاكل كمان
١٦-ابنى مش لازم يخلص طبقه لو طبقه اتقسم ع وجبتين مش وحش …قسمي اليوم ع ٥ وجبات خفيفه ومتنوعه افضل كتير من وجبه واحده ماياكلهاش منوعه مش هى هى
ف اكلات بقي استاذه ف فتح شهيه ابنك زى :
*التمر باللبن :انقعى البلح ٦ ساعات ف اللبن دا واحده وجبه متكمله
*الحلبه:كوبايه حلبه مغليه وتحليتها بسكر او عسل قبل الاكل بنص ساعه
*البصل:يطهر المعده ويقتل جراثيم الامعاء
*السكريات :بعد الوجبه الاساسيه
**أهم الأطعمة التي تنشط ذكاء طفلك …
1_ الجزر يقوى ذاكرة طفلك لانه ينشط عملية التمثيل العضوى في المخ.
2_ التونه لانها غنية بالاوميجا 3 وهى ضرورية لعقل الطفل وصحته.
3_ زبدة الفول السودانى تقوى انتباه وتركيزه.
4_ اللبن ومشتقاته لانه بيعوض الطفل عن الطاقه التى يفقدها.
5_ البروتينات بأنواعها لبناء ونمو الطفل وتنشيط خلايا مخه.
6_ البيض لانه غنى بالكوليسترول والبروتينات الضرورية لنموه .
7_ شرب اليانسون يساعد علي تدفق الدم الى المخ.
8_ المكسرات تقوى وتنشط الذاكرة.
هدية لكل الامهات علشان اولادها
بس فيه حاجات لازم ناخد بالنا منها اول
1..لازم نستبعد وجود انيميا بعمل تحليل صوره دم كاملة
2….لازم نستبعد وجود ديدان بعمل تحليل براز
3…لازم نستبعد وجود سكر (لا قدر الله)بعمل تحليل سكر صايم و عشوائي
4… لازم نستبعد وجود اى امراض زى حساسية الألبان والنزلة المعوية والالتهابات الرئوية…..
5…لازم نصبر علي الوصفة دى علي الأقل شهر ، ونقيس الوزن قبلها وبعدها
6…لازم يكون عمره اكبر من سنة
7…لازم لازم لازم تدعولي كتييييييير جدا
الوصفة :_
كوب زبادى+ملعقة عسل+ معلقه صغيرة زيت زيتون
ربنا يخلى كل اولادكم ويحفظهم
