رسالة من مواطن ظلمه قانون الأسرة لمحامى الرجال “محمود مسلم”المحامى
![](https://extranewss.com/wp-content/uploads/2022/10/311827918_210647254651169_1430338151152459929_n.jpg)
مساء الخير استاذ محمود
خالص تحياتي لحضرتك الرسالة دي اتمني من حضرتك تنشرها بدون اسم طالب بس الدعاء من السادة المتبعين
يعد ماسافرت زوجتي بسنة بالضبط بالاولاد خارج مصر افتعلت مشكلة من الهواء طالبة الطلاق
استولت علي المنقولات وقفلت عليها في شقة الزوجية وعملت قضية تبديد عشان اطلقها
ورفعت نفقة صغار وزوجية خدت بها اكتر من نص مرتبي والباقي ايجار المكان اللي ساكن فيه وجزء بسدد به الشقة اللي للاسف كتبتها باسمها
خدتي عربيتي للاسف عشان باسمها وطالبة مبلغ خرافي عشان تتنازل عن قضية التبديد
ولما بعت لها اقولها كده ميرضيش رينا وحسبي الله ونعم الوكيل عملتلي بلوك من تليفون اولادي اللي بعت عليه الرسالة
لسه خارج امبارح من العناية المركزة بسبب ذبحة صدرية واشتباه في جلطة لما حست بتحسن ملحوظ تجنبا للتكاليف اللي مش قدها والمفروض اني كنت اعمل قسطرة
بقالي اكتر من ٣ سنين ونص مشفتش عيالي بنتين وولد لدرجة اني نسيت شكلهم
كل اللي طالبه تدعولي ربنا ينصرني عليها وينتقم منها هي واهلها اللي خربوا بيتي واني رينا يكرمني واشوف عيالي تاني قبل ما اقابل وجه كريم
وامانة عليك خليك دايما في صف الرجالة المظلومة نورهم ووعيهم
حسبي الله ونعم الوكيل