#محاسب_عام
سلسه مقالات صغيره للرد علي أسئلة الانترفيو
ايه هو الحساب اللي مش بيظهر في ميزان المراجعه؟
طبعا السؤال دا مكررررررر جدا والأغلبية العظمه من المحاسبين بيقولو مخزون اخر المده والإجابة دي مش غلط بس تعالي اقولك هو ليه مش بيظهر في الميزان …
اولا يعني ايه ميزان مراجعه؟
ميزان المراجعه دا الخطوه الرابعه في الدورة المحاسبيه .
طيب هو يعني ايه دورة محاسبيه؟
الدورة المحاسبيه هو شغل المحاسب يعني اي محاسب شغله انه يعمل دورة محاسبيه وهي عبارة عن ٥ خطوات وهما
قيد / يوميه امريكيه/ أستاذ مساعد/ ميزان مراجعه/ قوائم ماليه
اي عمليه بتحصل قدام المحاسب سواء بيع أو شراء أو تحصيل أو تسديد لازم يعمل بيها قيد ومن القيد دا بنثبته في اليوميه الامريكيه والأستاذ المساعد ومنهم الميزان المراجعه يعني اي قيد انا عملتو لازم يظهر في ميزان المراجعه يعني كل القيود لازم تروح ميزان مراجعه
طيب لو عمليه حصلت ومعملتش بيها قيد ؟
طبيعي مش هعمل قيد يبقي مش هثبته في اليوميه الامريكيه ولا في الاستاذ المساعد وطبيعي مش هيظهرالقيد دا في الميزان…. موضوع منطقي.
طيب مخزون اخر المده دا مش بعمل بيه قيد اصلا لأنه ناتج عن جرد يعني مش عمليه حصلت علشان اعمل قيد….
طيب هو يعني ايه مخزون اخر المده ؟
دي عبارة عن بضاعه اشتريتها علشان ابيعها ومتبعتشي فعاوزاعرف اخر السنه البضاعه دي كام فبعمل حاجه اسمها جرد ومن الجرد دا بعرف البضاعه عندي كام لكن مش بعمل قيد…..
كل دا بنتكلم عن نظام الجرد الدوري يعني لو جرد مستمر المخزون بعمل بيه قيد عادي جدا ومن القيد دا يوميه امريكيه واستاذ مساعد واكيد بيظهر في ميزان المراجعه
