الدكتور / #ولاء

شاب جميل يعمل صيدلاني بأحد أكبر شركات الأدويه بالسعودية و يتقاضي راتب شهري ضخم

زوجته أيضا صيدلانيه
لديهم طفل جميل يبلغ من العمر ٦ سنوات و الحقه والده بأحدي المدارس الأنترناشيونال
الشاب الجميل ده عايز زوجته تسافر معاه السعوديه .. مقر عمله
الزوجه رفضت بشده
اهل الصيدلاني الجميل من المنوفيه الأصيله ،، و له شقيقه طبيبه و هو من عائله أصيله … المهم زوجوه صيدلانيه من بلدته من اسبوع ووافقت تعيش معاه في السعوديه … حقه شرعاً و قانوناً .. عرف زوجته الأولي اللي مابخلش عليها بأي حاجه … الزوجه عرفت اهلها اللي هما والدها طبيب العيون المعروف و شقيها الطالب بكلية الطب و شقيقها الاخر الطالب بكلية الهندسه … عائله مرموقه ايضا
المهم عائلة الزوجه و معاهم ٤ بلطجيه هجموا عالشقه و صحوا المغرور به من النوم و خلوه يطلق مراته الجديده تليفونيا تحت التهديد ،،، و عذبوه محاولين ارغامه علي توقيع تنازل عن كل ممتلكاته .. و لما ماعرفوش شالوه هيله بيله و رموه من الطابق الخامس .
دي الحكايه المحزنه
الحكايه الأحزن ايه بقي
الشقه تقع بجوار قسم حلوان بشارع رايل
ماحدش من الجيران فكر يروح يبلغ رغم انهم حاولوا يدخلوا و والد الزوجه رفض
المتوفي اتصل بشقيقته و قالها اللي بيحصل و اللي أتصلت بالنجده احدي عشر مره لأنها في المنوفيه علي ماتجيله لربما ينقذوه و طبعآ النجده ماتحركتش .. اصلهم كانوا بيتغدوا أو بيتعشوا أو بيتفرجوا عالماتش .
القتله أهل الزوجه نزلوا و نقلوه المستشفي و عملوا تقرير انه توفي منتحرا رغم اثار التعذيب الواضحه
لكن الفلوس بتعمي النفوس
يبقي عندنا هنا متهمين اخرين
شرطة النجده
ادارة المستشفي
المكالمات مسجله على التليفون و تقرير المستشفي موجود وواضح .
اهل الصيدلاني وأصدقاؤه بلغوا النيابه ( نيابة حلوان ) و هنا اشكر نيابة حلوان الجزأيه التي استطاعت أقتناص الأعترافات من المتهمين و كذا النيابه الكليه التي حضر وكلاؤها للمساعده في التحقيق .
و أطالب
وزير الداخليه بالتحقيق في تقاعص شرطة النجده
وزارة الصحة بالتحقيق في تزوير تقرير الوفاة
و أحالة الفاسدين الي النيابه
الله يرحم الدكتور الصيدلاني الشاب / ولاء ،،، و يغفر له ويسكنه فسيح جناته ويلهم أهله وذويه الصبر والسلوان وانا لله وانا اليه راجعون

قضية د/ ولاء راى عام — #قصاص عادل وعاجل —