أنا إبراهيم أبو مبارك من مركز مطوبس محافظة كفرالشيخ
بدرس في الفرقه الرابعه كلية اللغه العربيه شعبة التاريخ جامعة المنصورة عندي 22 سنه
بدايتي
إن كنت مشترك في جروب تانيه ثانوي كان عندي 18 سنه فكان حد منزل رسمه كارتونيه قررت ارسمها لكن للأسف مكنتش حلوه خالص لان مكنتش أعرف أي حاجه عن الرسم حرفيا ف رسمتها تاني طلعت بنتيجه مختلفه ف رسمتها تالت ف طلعت بنفس الشبه ف قررت اتعلم الرسم من الوقت دا انا محدش علمني الرسم اتعلمت لوحدي بدأت اتابع رسامين افضل مني بقيت ابعت ليهم شغلي يعرفوني اي أخطائي ومن هنا احترافت الرسم
شاركت في معرض كنت في اول كليه كان في معرض الكتاب التاسع في المنصورة
وبعدين في 2020 عملت معرض خاص بي انا فقط كان اسمه معرض رسام النار في قصر الثقافه بتاع المركز بتاعي كان اسم المعرض رسام النار
انا رسمت بالنار لان حبيت اكون مختلف بعد م اتعلم الخامات المتعارف عنها حبيت أرسم ب حاجه محدش رسم بيها قبل كدا ف اكتشفت فكرة للرسم بالنار علي الورق الفكرة كانت لزيزه لكن تنفذها صعب جدا لان كنت مفروض اخترع جهاز للرسم بالنار علي الورق دون أن يحرق الورق بسرعه عشان اعرف اكمل رسمتي وغير أن في رسومات ولعت مني قبل م اكمل الرسمه
لكن بعد كدا امتا تولع الورقه وامنا تولع فيها ببساطه واقدر اطلع الرسمه منها
تطويري ديما كان باجتهادي أنا فقط دائما كنت برسم كتير لحد م احترفت
انا رسمت بكل حاجه سواء ادوات متعارف عليها منها رصاص فحم الاوان زيت وغيرهم أو أدوات غير متعارف عليها منها النار لان الاول في الوطن العربي برسم بالنار علي الورق وقدمتها نموذج اولي في براءة اختراع وتقبلت علي مصر فقط أن مفيش حد اخترع قلم للرسم بالنار غيري
وايضا رسمت بيري الأقلام والشاي والعسل و عيدان الكبريت غير الفاكهة منها الموز والبرتقال والأسلاك الكهربائية والقهوة وغيرهم
كان الدعم الثابت ليا ديما هو نفسي وبس
فخور جداا بنفسي أن قدرت اخترع قلم للرسم بالنار علي الورق وان نشأت نوع جديد في الفن إلا هو الرسم بالنار وغير أن غير متخصص في الرسم اصلا وعملت معرض خاص بيا انا فقط ضم كل رسوماتي وان طلعت في العديد من البرامج التلفزيونية والمواقع الإلكترونية
لقبي هو رسام النار
انا بقدر افرق بين رسمي و دراستي أن مش برسم غير في واقت الفراغ بتاعي
وان عملت أول معرض في مصر والوطن العربي في رسومات بالنار علي الورق واسم المعرض رسام النار
أن أعمل اكاديمية للرسم بالنار علي الورق في مصر وتصبح الأولي في الوطن العربي ليعلم النوع دا من الفن
الرسم من المواهب الجميله جدا لان الرسم ديما بـ يخرج صحبه من الاكتئاب وغيره
نصيحتي لاي حد عمتا أن يستمر و متبصش النتيجه من أول مره استمر وقول لنفسك ديما انا هوصل
