محمد حسن شحاته من محافظة الاسكندريه 33 سنه وشهرته حمو حسن الشرش من عائله اهلاويه كبيره بمنطقه العجمي بالاسكندريه بدء في تشجيعه للنادى الاهلي منذ الصغر وكان والده الحاج حسن شحاته الشرش هو من دخل في قلبه حب وعشق النادى الأهلى(حمو) شاب بسيط كان منذ الصغر اثناء الدراسه بدء في تجميع مجلات للنادى الاهلي من عام 2006 لحد وقتنا هذا …
تصريح حمو لموقع اكسترا نيوز (كنت بستنا يوم الاربعاء عشان اروح اجبها وكنت بحتفظ بيها كنت بجبها بمناسبة وبدون مناسبة ولما عرفت ان بتساهم ف دخل للنادى استمريت من 2006 لحد الان وكان اول عدد يوم وفاه الكابتن محمد عبد الوهاب الله يرحمو)..
ماهى أهم المباريات اللى صعب تنساها ؟؟
(بص هو كل ماتشات الاهلى متتنسيش ان بيبقى يوم عيد بس ماتش الاهلى والزمالك بتاع الستة واحد ومباراه الصفاقسى التونسي هدف الماچبكو ابو تريكة ونهائى الكونفدرالية عماد متعب ومباراه القرن الافريقي وهدف القاضية بتاع افشه)
مين اللعيبه في الجيل الحالي المقربين لقلبك ياحمو؟؟؟
(كل الجيل الحالي نجوم كبار بس انا دايما بحب لعب حسين الشحات اللي ظهر بمستوى متألق وكمان قفشة وأمام عاشور وكهرباء والشناوى )
سمعت من أحد المقربين ليك انك بتعشق كابتن محمود الخطيب ؟؟
(قدوتى ومثلى الأعلى وحلمى ان اسلم عليه)
بتتمنى ايه للنادى الأهلى الفتره الجايه؟؟؟
(كل اللي بتمناه من ربنا سبحانه وتعالى يتحقق هو ان الاهلى ياخد كأس العالم للأندية
وان اشتغل شغلانة مرتبطة بالنادي الاهلى
وظهورى ع قناه الاهلى من داخل القناه)
حمو لموقع اكسترا نيوز ..
(ع فكره انا عيد ميلادى في أول يناير القادم اتمني من الكابتن محمود الخطيب يعملي فيديو امنيه حياتي )
حابب تشكر مين ياحمو حد حاول يساعدك ويقف جمبك علشان تحقق حلمك ؟؟؟
(طبعا في ناس كتير لازم اشكرهم بدايه من والدى الحاج حسن شحاته الشرش واخواتي في المنزل معايا والاستاذ وائل فهمي والأستاذة شيماء عراقي والرسامه أسماء شعيب والاهلاوى الجميل حسن المصري ربنا يرجعهولنا بالسلامه واخيرا حابب اشكر الدكتوره ريم ابو الفتوح في موقع اكسترا نيوز كل الشكر ليكم جميعا اتمني من الله سبحانه وتعالى التوفيق دائما ليكم والف مليون شكر كلكم فوق دماغي )❤️🦅..
وائل فهمى
